Real Madrid shpallet zyrtarisht kampione e La Liga-s. Skuadra e drejtuar nga trajneri Carlo Ancelotti, fitoi titullin e 35-t në historinë e kampionatit spanjoll.
Titulli erdhi pas fitores 4-0 ndaj Espanyol në “Santiago Bernabeu”. Madrilenët mjaftoheshin edhe me një pikë sot, por gjithsesi, ia dolën të zhvillonin një ndeshje të madhe duke kënaqur spektaktorët.
Pjesa e parë do vendosej nga një dopietë e Rodrygo. Sulmuesi do zhbllokonte sfidën pas gjysmë ore lojë, ndërsa pak përpara vërshëllimës së arbitrit për t’i çuar lojtarët në dhomat e zhveshjen, realizon të dytin.
Edhe pjesa e dytë do niste ashtu siç mbaroi e para. Los Blancos “tundën rrjetën” me Asension, në të 55-tën, pas një asisti të Camavingas. 10 minuta nga fundi, nuk mund të mungonte Benzema, i cili arrit kuotën e 42 golave gjatë këtij sezoni.
Skuadra e Real Madrid zhvilloi një sezon fenomenal, ku pas 34 ndeshjesh grumbulluan 81 pikë.
https://twitter.com/realmadriden/status/1520435969836658692
