Sipas një kanali mjaft popullor në Telegram, General SVR, Vladimir Putin do të operohet së shpejti sepse vuan nga kanceri.
Ai mund të detyrohet të dorëzojë komandën e luftës në Ukrainë, sepse do ti nënshtrohet operacionit, sipas një burimi brenda Kremlinit, transmeton Daily Mail.
Diktatori rus mund të nominojë drejtuesin e Këshillit të Sigurisë dhe ish shefin e FSB, Nikolai Patrushev, për të qenë në komandën e pushtimit të Ukrainës.
70 vjeçari Patrushev, është një nga arkitektët e strategjisë së luftës dhe njeriu që e bindi Putinin se Kievi është i mbushur me “neo-Nazistë”.
General SVR, ka raportuar se Putin ka kancer të abdomenit dhe vuan nga sëmundja Parkinson.
Operacioni i tij, mendohet se ishte i organizuar për në gjysmën e dytë të prillit, por u shty.
Kremlini gjithmonë ka mohuar që Putin të ketë probleme shëndetësore, duke pretenduar se ai gëzon shëndet të plotë.
Vladimir Putin pritet të deklarojë një “luftë totale” në Ukrainë brenda pak ditësh.
