Dedë Planaj po qëndruonte i ulur tek karburanti ku punonte, në momentin kur në drejtim të tij është qëlluar me pistoletë.
I plagosuri rreth moshës 60 vjeç. Policia ka nisur hetimet lidhur me ngjarjen, ndërsa shpresohet që kamerat e sigurisë mund të kenë fiksuar autorin.
Njoftimi i Plotë i Policisë:
Shkodër/Informacion paraprak
Rreth orës 22:10, në lagjen “Dobraç” Shkodër, në rrethana ende të paqarta, është plagosur me armë zjarri shtetasi D.P. 60 vjeç banues në fshatin Shtoj i Vjetër, i cili ndodhet në Spitalin Rajonal Shkodër nën kujdesin e mjekëve.
Shërbimet e Policisë kanë ngritur pika kontrolli në hyrje – dalje të qytetit dhe vijon krehja e zonës me qëllim kapjen e autorit/ve.
Grupi hetimor nën drejtimin e Prokurorisë së Rrethit Gjyqësor Shkodër, po punon për identifikimin e autorit/ve zbardhjen dhe sqarimin e plotë të kësaj ngjarjeje.
