Ibsen Elezi, gjatë fjalës së mbajtur në Kuvendin Kombëtar të PD, akuzoi ish-kryetarin Lulzim Basha, për sistemin që ngriti në Partinë Demokratike dhe funksionimin e saj.
Por Elezi tha se e gjithë kupola drejtuese e PD-së ka manipuluar vota për ish-kryetarin.
“Ky proces nuk ka ekzistuar. Uroj që ky statut i paraqitur, të jetë një model i mirë ndonëse kam shumë pak besim. Kjo teoria e turravrapit për të miratuar gjërat, nuk ishte normale.
Debati është mënyra se si vuloset demokracia brenda një partie. Është themeli i demokracisë. Përmes debatit ndryshon sistemin e ndërtuar deri më sot. Ashtu siç e imponoi Basha që nga 2017, duhet të kishe lidhje me familjen e Bashës për të qenë pjesa e asaj liste. Ishte një sistem kacavjerrëse. E zvogëloi PD-në aq sa nuk mund të mundnim dot Edi Ramën. Sistemi i debatit do të thotë që unë ballafaqoj vlerat me konkurrentin tim. Unë nuk jam manekin.
Ky debat i hap rrugën dhe hapjes së PD-së. Hapja e PD-së nuk bëhet duke thërritur emrat. Nuk ka transparencë, dhe ka transparencë.
Ju dhe Sali Berisha duhet të kishit dalë e të kishit kërkuar falje për krimin brenda PD-së, manipulimin e votave. Kuvendi i 18 dhjetorit ishte një turp i Lulzim Bashës. Si mund ta besoj unë kur jo sëfundmi, dy ditë ju la kandidatëve për t’u përgatitur”, theksoi Elezi.
