Një person është plagosur në një aksident të ndodhur rreth orës 08:35, në aksin nacional Mallakastër-Memaliaj.
Policia njofton se në fshatin Krahës, në vendin e quajtur “Kthesa e Kalivaçit”, V.K., banues në fshatin Peshtan, Tepelenë, duke drejtuar automjetin tip “Mitsubishi” ka goditur tre mjete të parkuara duke shkaktuar dëme materiale si dhe këmbësorin Q.H., 87 vjeç, banues në fshatin Kalivaç, Memaliaj.
Ky i fundit u transportua për në spital, jashtë rrezikut për jetën.
Nga shërbimet e Policisë Rrugore është shoqëruar drejtuesi i mjetit, shtetasi V.K., ndërsa në vendngjarje ndodhet grupi hetimor dhe po punon për zbardhjen e shkaqeve të aksidentit, shtuan të njëjtat burime.
