Ndihmës-sekretarja e shtetit për çështjet euroaziatike, Karen Donfried ndodhet në Shqipëri si pjesë e një turi rajonal.
Raportohet se Donfried ka takuar kryeminisrtin Rama në selinë qeveritare, ndërsa rreth orës 10:50 është parashikuar një takim së bashku me Gabriel Escobar i dërguar i Posaçëm për Ballkanin Perëndimor, në kryesinë e Kuvendit me Enelejd Alibeajn dhe Jorida Tabakun.
Në takim do të marrin pjesë dhe përfaqësues të tjerë të PD-së, por jo ata që kanë të bëjnë me Komisionin e Rithemelimit.
Takimi i zyrtares amerikane me demokratët nuk do të zhvillohet në selinë blu, por do të zhvillohet në selinë e Kuvendit pas takimit me kryeministrin Rama.
Tema kryesore e diskutimit raportohet se ka të bëjë me integrimin e Shqipërisë në BE. SHBA kërkon që Brukseli t’i japë një dritë jeshile Shqipërisë dhe Maqedonisë së Veriut për të shkuar drejt konferencës së parë qeveritare.
