Kreu i grupit parlamentar të PD-së, Enkeljd Alibeaj tha pas takimit me zyrtaren amerikane Karen Donfried se kishte marrë mbështetje për një “opozitë pro-amerikane që sheh nga e ardhmja”.
Në një deklaratë për gazetarët pas takimit në ambientet e Kuvendit, Alibeaj zbuloi temat e diskutimit.
“Diskutuam për çështje të rëndësishme që ka Shqipëria. Diskutuam për çështje të shkeljes së të drejtës dhe luftës ndaj korrupsionit. Shpreha vendosmërinë, qartësinë tonë për të çuar përpara këto sfida”, tha Alibeaj.
“S’mund të lija pa diskutuar marrëdhënien e posaçme që ka pasur PD me SHBA që në lindjen e saj dhe në të gjithë trajektoren politike. Morëm mbështetje të madhe që SHBA dha për një opozitë të fortë, të qëndrueshme, një opozitë pro amerikane që sheh nga e ardhmja”, shtoi ai.
A u fol për situatën e Brendshme në PD dhe a u përmend emri i Sali Berishës?
Pyetjes, iu përgjigj: “Sfidat janë që prekin të gjithë Shqipërinë. Juve duhet ta dini se flitet për çështje të rëndësishme në takimet diplomatike, si demokracia shteti i së drejtës dhe lufta kundër korrupsionit”.
Lexo edhe:
FOTO/ Përfundon takimi i zyrtares amerikane me Alibejan, e pranishme dhe Yuri Kim e Gaz Bardhi
