Epidemiologu Ilir Alimehmeti thotë se doza e katërt kundër koronavirusit nuk duhet të aplikohet me të njëjtën vaksinë.
Për emisionin “Mirëmëngjes” në “Euronews Albania”, Alimehmeti u shpreh se kjo e ngushton përgjigjen imunitare te pacientët.
“Nëse ne vaksinojmë në mënyrë të vazhdueshme me të njëjtën stimul imunitar, ndodh ajo që ne quajmë në gjuhë teknike, ngushtimi i përgjigjes imuintare dhe jo zgjerim i spektrit”, u shpreh Alimehmeti.
Ai tha se doza e katër aplikohet te pacientët mbi 80 vjeç, te grupmosha 60-79 vjeç të cilët kanë sëmundje imunitare, ndërsa për moshat e reja nuk rekomandohet.
Sipas Alimehmetit, doza e katërt nuk ka treguar siguri, duke iu referuar të dhënave në Izrael, shtet i cili po e aplikon.
Së fundmi, Komiteti Teknik i Ekspertëve rekomandoi “vaksinimin me dozë të katërt të qytetarëve mbi 60 vjeç dhe atyre me sistem imunitar të kompromentuar sipas rekomandimit të mjekut të familjes”.
