Një 19-vjeçar është shpallur në kërkim nga policia e Vlorës, pas kallëzimit të një vajze të mitur. Ajo ka kallëzuar se është përdhunuar nga 19-vjeçari.
“Specialistët e Hetimit të Krimit në Komisariatin e Policisë Vlorë referuan materialet në Prokurorinë pranë Gjykatës së Shkallës së Parë Vlorë, në ngarkim të shtetasit E.K., 19 vjeç, banues në Vlorë, pasi ka bërë kallëzim një shtetase 15 vjeçe, se në muajin nëntor të vitit 2021, ky shtetas ka kryer marrëdhënie seksuale me të, pa dëshirën e saj”, njoftoi këtë të Premte policia e Vlorës.
Po punohet për kapjen e shtetasit E.K., shtuan të njëjtat burime.
