Një gardist është arrestuar nga policia pasi është kapur nën drejtimin e një mjeti ku ishin edhe 18 refugjatë.
Në pranga është vënë I.Q., 41 vjeç, banues në Tiranë, me detyrë trup shërbimi në Gardën e Republikës së Shqipërisë, njoftoi policia këtë të Premte.
Ky shtetas, shtuan të njëjtat burime, u arrestua në flagrancë, pasi në vendin e quajtur “Ura e Lumit”, Gjirokastër, u kap në flagrancë duke transportuar me automjetin tip furgon, 18 emigrantë të paligjshëm nga vendet MENA, kundrejt fitimit.
Në cilësinë e provës materiale u sekuestruan automjeti dhe një aparat celular.
Ndaj gardistit është ngritur akuza për veprën penale “Dhënia ndihmë për kalim të paligjshëm të kufirit”.
