Nga data 1 Maj, është lajmëruar kalimi online i një sërë shërbimesh që më herët jepeshin në zyra.
Këtë të Premte, ministrja e Financave sqaroi se për ata persona që e kanë të vështirë adoptimin me aksesin online si të moshuarit do të vihen në dispozicion numra telefoni për asistencë.
“Ka qenë një nga shqetësimet tona kryesore, duke qenë se mosha e tretë, por edhe kategori të tjera që nuk janë të njohura me shërbimet dixhitale mund të kenë problematike ta ngjashme. Çdo institucion do të ketë në dispozicion call center-a edhe bashkëqeverisja do angazhohet në këtë shërbim me qëllim që të japim shërbimin dhe të mos ketë probleme në marrjen e shërbimeve. Do të jemi në gatishmëri të plota për të ofruar shërbimet e kërkuara”, tha Delina Ibrahimaj.
Nga ana tjetër, ministri Çuçi tha se nga 390, numri i qendrave të gjendjes civile do të ulet në 150.
