Gazetari Lorenc Vangjeli, ndërsa komentonte mbi kabinetin qeveritar, për ministrat e suksesshëm dhe ata që kanë dështuar, tha se pas 24 korrikut një prej tyre mund të arrestohet nga SPAK.
Vangjeli u shpreh i sigurtë se një prej tyre është i përfshirë në një aferë të madhe, por nuk dha detaje më shumë.
“Kur shikon këtë përbërjen e kabinetit më duken të gjithë si Edi Rama, si një pasqyrë e thyer ku shikon copat. Atje ke arrogancën, përuljen, agresivitetin, pra ke gjithçka. Por di të them se pas 24 korrikut një nga këta ka probleme me drejtësinë, mund të arrestohet nga SPAK”, tha Vangjeli.
