“Me 30 prill Partia Demokratike do të ndahet”-kështu është shprehur sot gazetari Nebil Çika për Kuvendin e PD-së.
I ftuar në studion e emisionit “Të vaksinuarit” në Fax News, Çika tha se kriza brenda PD-së shpërtheu pas shpalljes non grata të Berishës, duke theksuar se edhe thirrjet e tij për një parti konservatore nuk janë të vërteta.
Sipas Çikës, Berisha do të dalë me një parti të vetën nga ky Kongres, duke theksuar se në Shqipëri nuk ka ekzistuar kurrë një forcë politike e djathtë.
Çika: Nxjerrja non grata e Berishës çoi në këtë shpërthim të krizës në PD. Historikisht ka marrë në masë votë konservatore si parti, para 2005 i kam kërkuar Zotit Berisha që të përfaqësonte të djathtën, edhe pse lindi si parti anti komuniste nuk u bë dot ashtu dhe as e djathtë. Në historinë e saj, mori votat e anti komunistëve por nuk i përfaqësoi kurrë ata. Kam shpresuar që Berisha dhe të tjerë në krye të PD të reflektonin se çfarë ishin në të vërtetë komunistët.
Nuk mori asnjë masë kundër komunistëve, qeverisi me ta, i pasuroi. Në 1997 mendova se do ishte thyerja por nuk ndodhi, isha në Sarandë asokohe. Ata që na persekutonin, shumë njerëz u vranë dhe u dogjën të gjallë.
Erdhëm në 2005, pati dalje masive të së djathtës, mendoja se nuk kishte nevojë fare për koalicion por të nxirrte të djathtët në zgjedhje. Atëherë i fitonte. Ky popull nuk e njeh të djathtën, sepse dihet se çfarë ndodh kur vijnë republikanët në pushtet. Këtu nuk është dënuar asnjë krim komunizmi!
Unë nuk kam qenë në struktura, sepse si gazetar nuk më shkonte të bëja militantin. Berisha nuk e bëri dot partinë të djathtë, mandatin e parë e mori vetë, të dytin me LSI-në.
Kriza ndodhi për shkak të Berishës, ai bën Kongresin e vet dhe merr pjesën e vet. Është një pjesë e partisë që nuk e njeh, kryetare degësh që nuk njihen, ke një gjendje juridike të rrëzuar.Gjysma e partisë nuk njohin zgjedhjet. Në konceptin tim, Berisha del nga kjo me një pjesë të tij,PD do ndahet. Është kongresi i ndarjes.
