Një person i shpallur në kërkim ndërkombëtar nga autoritetet e suedeze për mashtrim, është arrestuar në Kukës.
“Bazuar në informacionet e siguruara për vendndodhjen e një personi në kërkim, specialistët për Hetimin e Trafiqeve të Paligjshme dhe Narkotikëve në DVP Kukës, në bashkëpunim me Interpol Tirana, organizuan punën për kapjen e tij. Si rezultat u bë e mundur kapja dhe arrestimi provizor i shtetasit Albenit Ademi, 25 vjeç, rezident në Suedi”, njoftoi policia.
Arrestimi provizor i tij u bë me qëllim ekstradimi drejt Suedisë, pasi Gjykata e Jonkoping Suedi, me vendimin e datës 23.02.2022, i ka caktuar masën e sigurisë “Arrest në burg”, për veprën penale “Mashtrimi”, shtuan të njëjtat burime.
