Një ngjarje e rëndë ka ndodhur në Greqi, ku një grua është marrë peng nga një grup grabitësish.
Gruaja ka dalë ballë për ballë me kriminelët brenda shtëpisë së saj, në momentin kur në fakt është kthyer dhe ka konstatuar se dera e banesës i ishte thyer.
Grabitësit nuk kanë ngurruar ta godasin gruan në kokë dhe e kanë lidhur menjëherë në dysheme për të kontrolluar të pashqetësuar ambientet dhe kanë rrëmbyer rreth 100 euro dhe janë zhdukur, raporton CNN.
Viktima e grabitjes qëndroi e shtrirë në dysheme për disa orë.
Nga informacionet e deritanishme mësohet se familja e saj ka qenë e shqetësuar pasi ajo nuk përgjigjet në telefon dhe ka lajmëruar policinë.
Pak më vonë, një patrullë policie ka shkuar në vendngjarje dhe ka gjetur gruan me rrip në qafë dhe me shenja në duar nga dhuna e ushtruar nga grabitësit për ta imobilizuar.
Nga ambientet e shtëpisë rezultoi se kishte paraprirë kontrolli nga kriminelët, ndërkohë që u njoftua për shenjat e gishtave.
