Ergys Mërtiri thotë se Partia Demokratike nuk mund të triumfojë ndaj Edi Ramës, duke rikthyer figurat e larguara nga Lulzim Basha.
I ftuar në emisionin “Të Paekspozuarit” në MCN TV, Mërtiri tha se këto figura janë “të konsumuara” dhe e dëmtojnë partinë.
“Kjo nuk sjell asgjë. Kjo e dëmton Partinë Demokratike. Unë dua të vijnë të rinj.
Jozefina Topalli kapi një mijë vota në Shkodër. Nuk është prurje e re, ka kandiduar kundër PD-së, për ti ulur vota PD-së dhe ka luftuar ta dëmtojë atë parti.
Nuk është çështja te Topalli dhe emrat e tjerë. Politika të konsumon. Vetëm në Shqipëri njerëzit rrinë prej 30 vitesh në politikë. Kjo opozitë e përçarë, nuk mendoj se e mund Edi Ramën, duke u bërë thirrje rraqeve të vjetra, hajdeni të mundim Ramën.
PD ka nevojë për njerëz të rinj, fabul të re, program, etj, për të treguar që kjo parti i përgjigjet rrethanave të kohës dhe është alternativë.
Po iu rikthye njerëzve të konsumuar, kjo nuk do të jetë parti alternativë ndaj Ramës. Gjasat janë që pastaj Rama të rrijë përjetësisht”, tha Mërtiri.
