Rusia pretendon se ka marrë kontrollin e plotë të qytetit të Kherson-it në Ukrainë.
Media shtetërore ruse, Ria Novosti shkruan se nga data 1 maj, Kherson do të përdorë rublën si valutë të re.
Kirill Stremousov, nënkryetari i administratës ushtarako-civile të rajonit, tha për Ria Novosti se tranzicioni do të ndodhë në një periudhë prej katër muajsh, gjatë së cilës rubla ruse dhe hryvnia ukrainase do të jenë në qarkullim.
Pas kësaj periudhe, rajoni do të kalojë plotësisht në përdorimin e monedhës ruse, shtoi ai.
