Aktivistja dhe anëtarja e Komisionit të Rithemelimit, Evi Kokalari, ka mohuar zërat se pas peticionit kundër Yuri Kim fshihet ish kryeministri, Sali Berisha.
Në një postim në rrjetet sociale, ajo shkruan se Berisha nuk funksionon në këto forma, ndërsa shton se ata që e akuzojnë duhet të zgjohen dhe të trembet nga mërzia e qytetarëve.
“Kush do që thotë se opozita (aka komisioni i rithemelimit) është mbas peticionit të Yuri Kim, GENJEN.
Komisioni është shumë serioz për të marrë hapa të tilla, dhe unë personalisht nuk do ta kisha lejuar për shumë arsye.
Edhe Sali Berisha nuk fuksionon me këto forma, dua të them po ti thotë mëndja diçka, ta bën në fytyrë, nuk fshihet.
Ata që akuzojnë bëjnë mirë të zgjohen se kanë probleme shumë më të mëdha seç e mendojnë; p.sh. popullit i ka ardhur në maj të hundës. Atyre trëmbjuni dhe trëmbuni mirë se nga ata s’ka ambasador t’ju mbroj”, shkruan Kokalari.
