Kryeministri Edi Rama pas mbledhjes me kryesinë e PS tha në një deklaratë për mediat se kanë mbledhur propozimet për Presidentin e ri ndërsa theksoi se kandidati apo kandidatja s’do të jetë nga grupi parlamentar i PS.
“Diskutuam për kandidaturën e Presidentit të Republikës. Ditët po kalojnë. Po të kishim identifikuar një person për pritshmëritë tona, do ta kishim publikuar. Kemi mbledhur propozimet. Mund t’ju them se kandidati apo kandidatja s’do jetë nga grupi parlamentar i PS”, tha Rama.
Kryeministri u shpreh se Kushtetuta nuk lejon që President të zgjidhet një shtetas që në 10 vitet e fundit në Shqipëri.
“Do të ishte mirë që Presidenti të vinte nga jashtë, por nuk na lejon Kushtetuta. Nëse do të kishim një President të përbashkët Shqipëria dhe Kosova, pa asnjë diskutim që do të zgjidhnim Hashim Thaçin”, tha Rama.
