Nuredin Dumani raportohet se ka marrë statusin e të penduarit e drejtësisë.
Sipas News 24, Nuredin Dumani ka hedhur dritë me dëshmitë e tij për hetuesit për ngjarje të shumta kriminale, ende të pazbardhura.
Statusin e të penduarit raportohet se e ka marrë edhe Enrik Hoxhaj, i dyshuar si bashkëpunëtor i Dumanit.
Pak ditë më parë, u bë e ditur se Dumani ishte kontraktuar nga një grup kriminal për eliminimin e Sokol Sanxhaktarit, të dënuar për vrasje.
Dumani u arrestua më 29 mars, pasi makina me të cilën lëvizte u qëllua me armë zjarri. Dumani, që dyshohet se ishte nisur për një atentat, u plagos. Gjithsesi, arriti të largohej nga vendngjarja, për tu arrestuar po gjatë asaj dite në një banesë me qira në Fier.
Dumani dyshohet si autor i disa vrasjeve, ndërkohë që raportohet se vepronte edhe me pagesë.
