Zëvendës presidentja amerikane, Kamala Harris rezultoi pozitive me Covid-19 të martën pasi u kthye nga një udhëtim njëjavor në Kaliforni, njoftoi Shtëpia e Bardhë.
“Sot, zëvendës presidentja Harris rezultoi pozitive me Covid-19 pas testeve të shpejta dhe PCR. Ajo nuk ka shfaqur simptoma, do të izolohet dhe do të vazhdojë të punojë nga rezidenca e zëvendës presidentes,” tha Kirsten Allen, sekretarja e shtypit në një deklaratë.
Allen shtoi’: “Ajo nuk ka qenë në kontakt të ngushtë me Presidentin ose Zonjën e Parë për shkak të udhëtimit të saj të fundit. Ajo do të ndjekë udhëzimet e CDC dhe këshillat e mjekëve të saj. Zëvendës presidentja do të kthehet në Shtëpinë e Bardhë kur të rezultojë negative.”
Ishte planifikuar që Harris të mbante konferencën e saj të inteligjencës në orën 10:15 të mëngjesit të sotëm në Shtëpinë e Bardhë së bashku me Presidentin Joe Biden, sipas udhëzimeve që i ishin dërguar gazetarëve.
Ajo nuk mori pjesë në asnjë ngjarje apo takim në Shtëpinë e Bardhë të martën, sipas një zyrtari.
Harris mbërriti në Shtëpinë e Bardhë të martën në mëngjes shkoi menjëherë për të bërë një test, shtoi ai.
Pasi rezultoi pozitive si në PCR ashtu edhe në testet e shpejta, ajo u kthye në shtëpi në rezidencën e saj në Observatorin Detar, ku u izolua.
Një zyrtar tha se Harris e takoi Bidenin për herë të fundit më 18 prill. Ajo u largua nga Uashingtoni për në Kaliforni atë pasdite dhe nuk u kthye deri të hënën në mbrëmje.
Harris ka marrë 2 doza të vaksinës Moderna në janar 2021.
Ajo mori dozën e saj të parë përforcuese në fund të tetorit dhe një vaksinë të dytë përforcuese më 1 prill.
