Sipas Tyc Sport, sulmuesi i Paris Saint-Germain, Lionel Messi, pritet të qëndrojë me klubin kryeqytetas këtë verë dhe në këtë mënyrë të respektojë kontratën e me Parisin e cila zgjat deri në qershor 2023, me një opsion rinovimin edhe për një vit.
34-vjeçari argjentinas thuhet se nuk e ka menduar kurrë të largohet nga PSG, e aq më pak të kthehet në Barcelonë, pavarësisht thashethemeve që e kthejnë atë në Katalonjë.
I transferuar në Paris verën e kaluar, Messi pati një sezon të vështirë, por u kurorëzua kampion i Francës fundjavën e kaluar. “Pleshti” ka luajtur 30 ndeshje për PSG-në këtë vit, duke shënuar nëntë gola dhe duke dhënë 13 asistime.
