Ramzan Kadyrov ka ofruar një shpërblim prej 1 milion dollarësh për informacion mbi vendndodhjen e “Batalionit Sheikh Mansour dhe Dudayev”, njësi vullnetare çeçene që luftojnë në anën e Ukrainës.
“Unë do t’i jap një milion dollarë kujtdo që thotë se ku është ky i ashtuquajturi batalion i Sheikh Mansurit dhe Dudajevit. Ne nuk duhet t’i hedhim, por duhet t’i shkatërrojmë. Ose duhet të gjunjëzohen dhe të kërkojnë falje nga populli i tyre”, tha Kadyrov në Telegramin e tij.
Kadyrov është i njohur për njoftimet e tij teatrale, ku kujtojmë se në fillim të agresionit ndaj Ukrainës ai ofroi 5 000 dollarë për çdo ushtar të vrarë ukrainas.
Në vend të kësaj, ushtria e tij private përjetoi një dështim në Ukrainë.
Edhe pse Kadyrov fsheh me mjeshtëri informacionin për vdekjen e luftëtarëve të tij, vlerësohet se qindra kadirovitë kanë vdekur në Ukrainë deri më sot.
