Sherif Kallaku u afrua në janar te Partizani, me Demat që e morën lojtarin në huazim nga Lokomotiva e Zagrebit. 24 vjeçari është shoqëruar nga dëmtime këtë periudhë, duke mos u ambientuar si duhet me skuadrën e Mehmetit.
Tanimë e ardhmja e tij te Partizani është në dilemë, kjo edhe falë rrogës së tij të lartë. Në të tilla kushte, duket se Partizani do negociojë pagën e lojtarit, që do kthehet në verë te Lokomotiva e Zagrebit, aty ku ka kontratë deri në 2024.
Të kuqtë pritet të negociojnë për pagën me kroatët, për të paguar atë 50 me 50, çka do lehtësonte barrën. E sigurt është se Sherifi nuk ka treguar asgjë nga cilësitë e tij, me pritshmëritë e tifozëve që kanë qenë të larta.
