Partizani do të luajë të premten kundër Dinamos, ndeshje e vlefshme për javën e 31-të të Superiores. Tifozët e kuq kanë reaguar në kanalin zyrtar teksa kërkojnë nga drejtuesit që ky derbi të zhvillohet në stadiumin “Selman Stërmasi”.
Përmes një postimi në Facebook, tifozët Guerrils shprehin shqetësimin e tyre për takimin që është programuar të zhvillohet në “Elbasan Arena”.
Në reagimin e bërë në faqen zyrtare shkruhej: “Derbi duhet të luhet në Tiranë. Ftojmë zyrtarët e FK Partizani Albania të kontraktojnë stadiumin e bashkisë për ndeshjen e radhës”.
