Presidenti rus Vladimir Putin duke folur nga Kremlini këtë të hënë ka ngritur akuza ndaj Perëndimit për “komplot” dhe përpjekje për të vrarë gazetarët rusë, por pa dhënë asnjë provë për këtë pretendim.
Purtin pretendoi në fjalimin e tij se një përpjekje e tillë ndaj një reporteri televiziv ishte penguar nga Shërbimi Federal i Sigurisë (FSB). “Këtë mëngjes, Shërbimi Federal i Sigurisë ndaloi aktivitetet e një grupi terrorist që planifikoi të sulmonte dhe të vriste një gazetar të famshëm televiziv rus”, tha Putin.
“Ata kanë kaluar në terror – në përgatitjen e vrasjes së gazetarëve tanë”, tha ai.
Më vonë, Rusia pretendoi se kishte arrestuar anëtarë të një grupi nacionalist që tentoi të vriste gazetarin pro-Putin, Vladimir Solovyev.
Sipas agjencisë së lajmeve Interfax, Moska thotë se të arrestuarit vepronin në emër të shërbimit special ukrainas.
