Policia Rrugore e Tiranës ka pezulluar të paktën 17 leje drejtimi, si dhe ka vendosur me dhjetra masa administrative ndaj drejtuesve të mjeteve për shkak të shkeljes së rregullave të qarkullimit.
Sipas një njoftimi zyrtar, policia rrugore ka ndërmarrë disa masa nv ato që konsiderohen si akset më me risk.
Këto masa konsistojnë në monitorimin e rrugëve interubrane që lidhen me Tiranën, si dhe rrugëve në brendësi të kryeqytetit, me anë të shërbimeve të lëvizshme, duke përdorur radarë, kamera, alkool-testues, dronë dhe mjete të tjera pauniformuara.
Shpejtësi të frikshme në pikun e lëvizjes, 145 km/h deri ne 169 km/h, në rrugën e TEG-ut:
➡️ prej mëngjesit të sotëm e deri në këto momente 17 leje drejtimi të pezulluara, nga këto 9 për shpejtësi për tejkalim mbi 50 km/h më shumë se sa lejon tabela dhe 8 për shpejtësi për tejkalim mbi 30 km/h më shumë se sa lejon tabela;
➡️ Gjithashtu 38 masa administrative të caktuara për tejkalim të normave të shpejtësisë, por pa sanksionin plotësues të pezullimit të lejes së drejtimit;
➡️ 121 masa administrative për mosvendosje të rripit të sigurimit;
➡️ 88 masa administrative për përdorim të celularit gjatë drejtimit të mjetit.
