Paolo Maldini ka qenë një nga personat më të lumtur pas fitores 2-1 të Milanit ndaj Lacios. Drejtuesi hyri në fushë duke festuar pas përfundimit të sfidës, teksa me shumë entuziazëm përqafonte me radhë lojtarët.
Duke folur për MILAN TV, ai ka shprehur pikërisht këto emocione dhe pse ishte kaq i rëndësishëm vendi i parë për kuqezinjtë, të cilët janë në garë deri në fund për titullin kampion.
“Dua të shpreh një koncept të thjeshtë që e ndjej timin meqë jam milanist. Jam krenar për skuadrën, stafin dhe atë që po na japin tifozët, është emocion i vërtetë, është thelbi i punës tonë, ajo që na bën të ndjehemi mirë dhe që na bën të kemi emocione. Shpesh jostabël, por që krijon ndjesi shumë të kënaqshme.
Në sezone si ky, objektivi është të bësh sa më mirë të jetë e mundur, ne duhet të shohim sa më lart. Në fillim të vitit ndokush nuk na shihte kaq lart dhe ne duhet ta përdorim këtë si stimul. Për të qenë këtu dhe për të mbajtur këtë nivel, duhet të ruajmë këtë shpirt sakrifice. Nëse jemi këtu është se kemi besuar gjithmonë. Ndoshta edhe kur nuk e komunikonim, e kemi menduar gjithmonë. Nuk mund ta bëjmë të duket si objektiv banal, pasi në 20 vitet e fundit Milani ka fituar vetëm 2 tituj kampion. Do të ishte një rezultat i pabesueshëm. Kur të shfaqet mundësia, duhet ta provosh deri në fund. Pastaj, nëse gjërat nuk ecin mirë, e di që ke bërë maksimumin”, tha Maldini.
