Sot po zhvillohen zgjedhjet për kryetarët e PD në disa degë, mes të cilave edhe në Bulqizë.
E ndërsa procesi po ecën përgjithësisht mirë dhe nuk raportohen incidente apo parregullsi, në Bulqizë një prej anëtarëve të vjetër të PD pretendon se nuk ka gjetur emrin në listë.
Bashkim Gjeleshi ka shkuar të votojë për kryetarin e ri të PD, por nga komisioni i është komunikuar se emri i tij nuk ndodhet në listën e votuesve.
I zhgënjyer ai shprehet se është me 3 tesera partie pasi është anëtar i PD që në 91.
“Që në 91 jam anëtar i PD. Kam marrë pjesë masivisht në çdo mbledhje në protestë për të drejtën për liri dhe demokraci. Më thanë nuk e ke emrin në listë. Më vjen shumë keq kur jam me tesera, të firmosura nga Safet Zhulali, Azem Hajdari, Saliu e Lul Basha.
Kjo nuk është lista e plotë. Mua më kanë thënë se ke emrin në listë, se si bëhen këto lista. Kam ardhur nga Gjorica kam lënë punët e shtëpisë pa mbjellur arën për këtë punë, për të votuar. E më thonë s’të del emrin. Jam me 3 tesera. Në ato vite që kriste dajaku ne ishim të parët në mitingje. Sot dal komunist që me Leninin”, thotë ai.
