Bosnja dhe Hercegovina u godit nga një tërmet i fuqishëm mbrëmjen e së premtes. Sipas informacioneve, tërmeti ka qenë me magnitudë 5.7 ballë dhe epiqendra ka qenë 15 kilometra larg Stolacit.
Tërmeti u ndje në shumë qytete në Bosnje dhe Hercegovinë dhe në të gjithë rajonin.
Banorët e Mostarit dolën nga shtëpitë e tyre në rrugë.
“Gjithçka po dridhej, ne dolëm menjëherë jashtë”, tha një grua.
Një pjesë e oxhakut nga ndërtesa pranë Teatrit Kombëtar të Mostarit është shembur por fatmirësisht nuk ka të lënduar. Policia ka bllokuar një pjesë të rrugës dhe kanë mbërritur zjarrfikësit. Kjo do të jetë një natë pa gjumë në qytet në lumin Neretva.
Qytetarët e Mostarit nga frika u larguan nga shtëpitë e tyre dhe sipas fotografive që morëm nga vendi, një pjesë e fasadave të objekteve u shembën.
Banorët e Sarajevës raportuan gjithashtu dëmtime të vogla, të tilla si pasqyra ose piktura që ranë nga muret.
