Bayern Munich ka fituar titullin e dhjetë radhazi në Bundesliga dhe të 32-in në historinë e klubit pasi ka mundur 3-1 Borussia Dortmund-in në javën e 31-të të kampionatit.
Një nga protagonistët e sfidës, si zakonisht, ka qenë Robert Lewandowski, i cili ka realizuar golin e dytë të ndeshjes dhe të 33-in në 31 ndeshje të Bundesliga-s.
E ardhmja e tij është në dyshim dhe deklaratat e bëra pas triumfit në kampionat i kanë shtuar akoma më shumë këto dyshime dhe mund të shqetësojnë Bayern-in.
“Do të ketë një takim shumë shpejt, por asgjë e veçantë nuk ka ndodhur deri tani. Gjithashtu, e shikoj atë që po ndodh. Kjo situatë nuk është e lehtë për mua”, ka thënë sulmuesi polak.
Ndërsa, kur është pyetur nëse donte të qëndronte te Bayern-i edhe sezonin e ardhshëm, Lewandowski ka zgjedhur të mos japë asnjë përgjigje.
Skuadra e mëdha të interesuara për të siguruara shërbimet e 33-vjeçari nuk mungojnë. Ekipi që duket në “pole position” për ta marrë polakun duket se është Barcelona.
