Një person është proçeduar penalisht në Koplik për veprën penale ”Peshkim i ndaluar”.
Në varkën e shtetasit F.M., janë gjetur pajisje të ndryshme dhe një sasi peshku.
Materialet u sekuestruan dhe ka nisur hetimi për 29-vjeçarin.
“Specialistët për Hetimin e Krimeve në Komisariatin e Policisë Malësi e Madhe, në vijim të punës për parandalimin dhe goditjen e krimeve mjedisore, proceduan penalisht në gjendje të lirë shtetasin F. M., 29 vjeç, banues në Koplik, pasi në vendin e quajtur “Flakë”, në ujërat e liqenit të Shkodrës, në varkën e tij janë gjetur pajisje të ndryshme për peshkim dhe një sasi peshku, të cilat u sekuestruan në cilësinë e provës materiale.” – bën me dije policia.
