Ish-presidenti Bujar Nishani është dërguar për mjekim jashtë shtetit. Nishani ishte shtruar mbrëmjen e së Mërkurës te “Sanatoriumi” pas problemeve shëndetësore.
Ditën e djeshme u raportua se parametrat e oksigjenit dhe tensionit nuk ishin në gjendje të mirë. Ish-Presidenti është prekur më herët nga koronavirusi.
Burime pranë spitalit bëjnë me dije se ish-Presidenti është transferuar në Gjermani, por me kërkesë të familjarëve dhe jo për shkak të përkeqësimit të gjendjes.
