Blogerja e seksit Zhaklina Lekatari është e njohur për publikun shqiptar për informacionet dhe dijet që ajo ka në lidhje me edukimin seksual, gjë që në vendin tonë mbetet ende një tabu.
Zhaklin ka folur në lidhje me reagimet që mer çdo ditë në rrjetet sociale, në blogun e saj. Blogerja tregoi se përveç komenteve apo dhunës virtuale, është përballur me njerëz në rrugë që kanë tentuar deri në dhunë fizike ndaj saj. Blogerja tregoi se në këto raste bashkëpunon edhe me policinë, për të cilët ajo tha se e kanë ndihmuar.
“Më ka ndodhur edhe në rrugë, më ka ndodhur që kam qenë e përndjekur, më ka ndodhur që kanë qenë përballë që më kanë ndaluar. Por në përgjithësi unë bashkëpunoj edhe me policinë, sivjet nuk kam bërë ende asnjë denoncim por vitet e kaluar kam bërë 4-5 denoncime në vit. Më thonin të mbyllja gojën, të mos flisja më, të mos bëja postime, të heshtja, të vdisja. Nga më të ndryshmet. Nuk kanë qenë njerëz që unë i njoh personalisht. Më ka ndodhur edhe dhunë fikzike, më ka dhembur po edhe policia më ka ndihmuar.“– tregoi ajo në “Natë më Aulonën”.
