Nga dita që vendosi të largohej nga zyra e kryetarit të PD nga selia e kësaj partie, Lulzim Basha ka nisur një tur takimesh në qytete të ndryshme të vendit.
Në formate të vogla, Basha po takon qytetarë të ndryshëm, që sipas mbështetësve të tij në PD, po i falenderon për mbështetjen.
Së fundmi, Basha ka qenë në Pogradec, ku shfaqet me mëngë të përveshura, në një lokal, duke folur dhe duke dëgjuar.
Gjatë takimit është diskutuar mbi situatën politike në vend si dhe forcimin e bashkimin e partisë dhe fitoren e saj në zgjedhjet e ardhshme.
Duket pak e çuditshme optimizmi i Bashës për fitoren në zgjedhje, pasi në 9 vitet e tij si kryetar i PD, megjithë suportin e pakufijshëm që pati, përfshi këtu edhe ish-Kryeministrin Sali Berisha, nuk arriti të fitojë asnjë palë zgjedhje.
