Ish-kryeministri Sali Berisha ka reaguar për herë të parë pas shtyrjes që i bëri Kreu të Grupit Parlamentar Demokrat Enkelejd Alibeaj në foltoren e Kuvendit, gjatë kohës që ai po merrte fjalën.
Një gjest i tillë ka sjellë dhe ndërprerjen e seancës plenare. Berisha ka zbuluar edhe se çfarë do i thoshte Ramës.
“Jo nuk e shtyva, po mua më takonte fjala. Aty ka një seleksion politik. Edi Rama ulej aty jo vetëm si kreu i organizatës kriminale të djegësve, por dhe si një njeri që është përzënë nga avioni. Dy momente dua të theksoj, çfarë do i thosha në parlament.
Nga Lufthansa e largoi policia gjermane, por shqiptarët duhet ta dinë se në avion policia ndërhyn fiks në dy rrethana, kur transportohen të burgosur dhe njëra polici ja dërgon policisë tjetër. Pasagjerët e panë se dymetroshi nuk ishte i burgosur, ata u tmerruan.
Unë këtë do t’i thosha në parlament. Policia rastin tjetër kur ndërhyn në avion është kur ka informacione për terroristë”, tha Berisha.
