Tirana luan të diel në 16:45 me Kastriotin për javën e 30 në Superligë. Ndeshja zhvillohet në “Selman Stërmasi”, me bardheblutë që pas gjashtë muajsh e gjysmë rikthehen të luajnë në shtëpi.
Skuadra e Orges Shehit kryeson me 66 pikë, 16 më shumë se Laçi ndjekës dhe mund të mbyllë edhe matematikisht garën për titullin kampion. Duket se 25 herë kampionët e vendit nuk do tolerojnë askënd, me Shehin që projekton formacionin më të mirë nga minuta e parë.
Mungesë për trajnerin durrsak do jetë kapiteni Hoxhallari, i cili ka plotësuar numrin katër të kartonave të verdhë dhe do duhet të bëjë një javë pushim, duke u zëvendësuar me Behiratche.
Formacioni i mundshëm:
Tirana: Bekaj, Toshevski, Najdovski, Behiratche, Ismajlgeci, Toli, Limaj, Totre, Seferi, Xhixha, De Silva
