Grupi Parlamentar i PD-së ka nisur këtë mëngjes mbledhjen në selinë blu. Në mbledhje, Albana Vokshi që i ka kërkuar Enkelejd Alibeajt që të bëjë kërkesë në Kuvend për 5 deputetët e përjashtuar, për tu cilësuar deputetë të Grupit Parlamentar të PD-së. “Jemi 5 deputetë të përjashtuar. Duhet të bëni kërkesën në Kuvend”, tha Vokshi.
“Nuk zhbëj dot me vullnet personal vendime që janë marrë nga organet e partisë”, tha Alibeaj.
Në mbledhje, vihet re mungesa e ish-kryetarit Lulzim Basha e ish-sekretarit të Përgjithshëm Gazment Bardhi. Mungojnë po ashtu dpeutetët Grida Duma, Jorida Tabaku, Agron Gjekmarkaj, Luçiano Boçi, Tomor Alizoti, Xhelal Mziu, Edi Paloka, Flutura Açka, Helidon Bushati, Alfred Rrushaj, Elda Hoti, Emilja Koliqi, Fation Veizaj, Fedinand Xhaferraj, Kastriot Piroli, Kreshnik Çollaku, Sorina Koti.
Mbledhja vjen para seancës plenare dhe pritet që PD të dalë me një vendim lidhur me qëndrimin që do mbajë për çështjen e Presidentin.
