Enkelejd Alibeaj, pas incidentit me Berishën, ka folur nga vendi i tij gjatë seancës plenare. Ai preferoi mos dilte në Foltore pasi tha se “rrezikon t’i zërë dikush Foltoren sërish”. Ai i kërkoi Ramës të japë llogari për shpalljen “non grata” të ish-deputetit Aqif Rakipi.
“Nuk po dal aty se me siguri rrezikoj nga këto historitë që vjen dikush e ma zë Foltoren dhe nuk dua t’ia jap kënaqësinë edhe atij që iku, ai trimi i madh. A e patë e nxori kokën më në fund. Ne do bëjmë atë që kemi bërë gjithmonë. Të paktën zarfat merrini çojini atje ku kanë vendin. Në fakt ky trim i madhe (Rama) dhe gjithë trimat në këtë sallë do duhet të flasin për raportin e DASH. Dizenjimi “non grata” i personazheve politikë. Kjo është çështja, këtu kërkohet forcë, eposi i kreshnikëve. As gjysmë fjale. Kjo është pyetja që do at ketë në çdo seancë. Derisa të thotë ose po ose jo. Ai di shumë gjëra, prandaj humbi qetësinë. Erdhi të krijojë diversion brenda opozitës, por nuk e parashikoi që këtu janë ata shpirtrat e lirë që ai kurrë nuk i ka. O e ka kapur një kriminel, o një trafikant, nuk e gëzon dot. Flamurin amerikane e ka prekur ky gjithmonë, ka folur ky gjithmonë. Urdhëro fol tani, ta kanë shkruar e zeza mbi të bardhë. Je duke shijuar vota të krimit të organizuar dhe vjen këtu si gjeli maj plehut. Kësaj duhet t’i japë zgjidhje ai artisti i madh. Kur do t’i japësh përgjigje raportit të DASH. Çfarë qëndrimi do mbani për atë që DASH dhe Departamenti i Thesarit kanë thënë”, deklaroi Alibeaj.
Deputeti tha se pyetjen do ta ketë gjithmonë, dhe përgjigjen e pret në çdo seancë.
