Ish-Kryeministri Sali Berisha u shpreh në emisionin “Të Paekspozuarit” në MCN TV se Enkelejd Alibeaj po përdoret nga Kryeministri Edi Rama dhe socialistët.
Berisha, duke komentuar incidentin që ndodhi sot në sallën e Kuvendit me Alibeajn, tha se ky është rasti i dytë që kreu i Grupit Parlamentar të PD përdoret nga socialistët.
“Kam ndjerë keqardhje kur kam parë skena të tilla, ndodh për herë të parë në 30 vitet e parlamentarizmit shqiptar. Nuk mundet që një deputet të keqpërdoret në atë shkallë, sepse është mjerim”, tha Berisha.
