Ambasadorja amerikane në Tiranë, Yuri Kim, ka marrë në mbrojtje Enkelejd Alibeajn, kreun e Grupit Parlamentar të PD, lidhur me një incident që ndodhi gjatë seancës plenare në Kuvend, kur ai u largua nga foltorja e Kuvendit nga ish-Kryeministri Sali Berisha.
Në reagimin e saj Kim shprehet se “ditët e sulmit ndaj ndërtesave, rrahjes ose largimit të të tjerëve nga podiumet, kërcënimit të atyre që thonë me të drejtë “jo!”, akuzimit të të tjerëve për veprat e këqija që ka bërë, shtrembërimit të shtetit të së drejtës, llogaritjes së mosndëshkimit – ato ditë i përkasin një të shkuare që duhet të mos përsëritet”.
“Ditët e sulmeve ndaj ndërtesave, rrahjes apo shtyrjes së të tjerëve nga podiumet, kërcënimeve ndaj atyre që me të drejtë thonë “jo!”, akuzimit të të tjerëve për keqbërjet që ke bërë vetë, shtrembërimit të shtetit ligjor, mbështetjes tek pandëshkueshmëria… (1/2) https://t.co/721a3qiU22
— USEmbassyTirana (@USEmbassyTirana) April 21, 2022
Incidenti ndodhi teksa Berisha kërkoi të replikonte lidhur me akuzat që i ishin bërë në seancë, ndërsa Kryetarja e Kuvendit, Lindita Nikolli, preferoi ti japë fjalën Fatmir Mediut, ndërsa Enkelejd Alibeaj qëndronte në foltore.
