Aktori i famshëm Johnny Depp ka folur për fëmijërinë e tij të teksa dëshmoi të martën në seancën e radhës gjyqësore kundër ish-bashkëshortes Amber Heard.
Aktori 58-vjeçar tha se nëna e tij e ndjerë Betty Sue Palmer ishte “e dhunshme” dhe “mizore” me të.
“Abuzimi verbal, abuzimi psikologjik, ishte më i keq se rrahjet. Rrahjet ishin vetëm dhimbje fizike. Me dhimbjet fizike mësohemi të përballemi.”, tha Depp.
Depp tha se e ëma e kishte goditur me tavëll, këpucë dhe telefon, teksa shtoi se nëna e tij ka qenë një nga njerëzit më mizor.
Depp tregoi se babai i tij ka qenë një njeri shumë i sjellshëm, i qetë dhe i turpshëm dhe jo një person konfrontues. Aktori tha se edhe kur nëna e tij e sulmonte, i ati ka qëndruar gjithnjë i qetë dhe “nuk ka pasur asnjë moment që babai im të humbiste kontrollin dhe të sulmonte nënën time ose të godiste nënën time apo edhe t’i thoshte një gjë të keqe”.
Rrëfimi i yllit të ‘Pirates of the Caribbean’ vjen një javë pasi motra e tij Christi Dembrowski dëshmoi në gjykatë se ishte abuzuar nga Palmer. Kur u pyet nëse Depp e ka sulmuar ndonjëherë nënën e tij kur ajo kishte abuzuar, Dembrowski tha, “Jo. Ai nuk shkoi kurrë në atë pikë”.
