Negociatorët socialistë në procesin e konsultimeve për zgjedhjen e Presidentit, Taulant Balla, Damian Gjiknuri dhe Elisa Spiropali, kanë zhvilluar një takim me përfaqësues të shoqatave, nën petkun e shoqërisë civile.
Por gjatë takimit një prej të pranishmëve, Agim Bina, duket se ka thyer marrëveshjen, sipas të cilës shoqatat nuk duhej të jepnin emra konkretë, por duhej të flisnin në parim.
“Unë kam propozim që President të zgjidhet Kujtim Çako. Emri është depozituar në sekretarinë tuaj, Damian Gjiknuri sipas procedurës. Unë e quaj një proces dhe konsultim të mirë që mund të prodhojë një njeri që të ketë shumë cilësi por duhet të jetë një njeri me integritet që ai të ketë një bashkësi virtytesh të kesh mençuri dhe intelektual i formuar?
Kujtim Çako ka arsimin e nevojshëm, ka jetuar në Gjermani dhe nuk ka marrë pasaportë gjermane por ruan pasaportën shqiptare. Kujtimi është i përmbajtur nuk anon as majtas as djathtas, Kujtim Cako është me origjinë nga Gjirokastra”, tha ai.
