Policia e Shkodrës ka arritur të identifikojë autorin e dyshuar të ngjarjes së ndodhur mbrëmjen e djeshme në lagjen Perash, ku mbeti i plagosur me armë zjarri, 28-vjecari Edis Reçaj.
Emri i tij nuk bëhet publik për arsye hetimore.
Nga raportimet mësohet se policia ka shpallur në kërkim një person, të cilin e ka identifikuar nga kamerat e sigurisë.
Ndvrkohë i plagosuri ka pohuar se nuk e njeh personin që e ka plagosur, por ka sqaruar se një person me kapuç e ndoqi për disa minuta dhe më pas e qëlloi me një plumb në gjurin e majtë.
Policia ka dyshime për dëshminë e tij. Bazuar në pamjet e kamerave, grupi hetimor beson se Edis Reçaj e njeh autorin dhe mes tyre ka pasur një konflikt teksa ishin duke lëvizur me makinë.
Mësohet se në vendngjarje është gjetur vetëm një gëzhojë.
28-vjecarin e ka dërguar në spital vëllai i tij. Sipas policisë, ai nuk është person me precedent penal dhe dyshimet janë se plagosja ka ardhur pas një konflikti të çastit.
