Deputeti Edi Paloka, përmes rrjeteve sociale, ka ironizuar procesin e zgjedhjes së Presidentit të ri të Republikës, i cili po përdoret për show dhe propagandë nga Kryeministri Edi Rama.
Sot, me cilësinë e negociatorit, Taulant Balla zhvilloi një takim me disa shoqata, të prezantuara si shoqëria civile, mes të cilave ishte ftuar edhe Konsullata greke në Korçë.
Nisur nga ky fakt, Paloka shkruan se kaq mjafton për të kuptuar sa serioz është ky proces.
“Vetëm një detaj, për të treguar se sa “serioz” është procesi që po zhvillon Rama për gjetjen e Presidentit të Republikës.
Në listën e grupimeve, shoqatave dhe politikanëve që u është kërkuar të propozojnë kandidatura për President të Republikës së Shqipërisë, është dhe KONSULLATA GREKE në Korce…!!!
Nesër pritet që në bisedime me mekëmbësin e Rames, për këtë proces kaq “serioz” të shkojë dhe mëkëmbësi i LB.
Në foto disa nga ”shoqatat” që janë ftuar me e-mail të bëjnë propozimet e tyre!”, shkruan Paloka.
