Ministrja e Turizmit dhe Mjedisit, Mirela Kumbaro paralajmëroi këtë të Mërkurë heqjen e detyrimit për të paraqitur pasaportën e vaksinimit për të hyrë në Shqipëri.
Kërkesa, tha ajo, është bërë nga operatorë turistikë dhe pritet të shqyrtohet nga Komiteti i Ekspertëve ditët në vijim.
Heqja e detyrimit të paraqitjes së pasaportës së vaksinimit në kufi, sipas Kumbaros, parashikohet të hyjë në fuqi nga muaji Maj.
“Në mbledhjen e sotme u diskutua një kërkesë që ven nga komuniteti i biznesit të turizmit që ka të bëjë me detyrimin për të treguar në kufirin e Shqipërisë vaksinimin ndaj Covidit, kërkesë që u diskutua gjatë dhe presim që Komiteti i Ekspertëve ta marri në konsideratë në përputhje me shifrat dhe me avancimin e sistemit të vaksinimit që duke nisur nga maji të mund ta heqim këtë detyrim që të oksigjenojmë sërish hyrjen e të huajve në Shqipëri. Vendim që pritet të merret sigurisht ditët në vijim nga Komuniteti i Ekspertëve”, tha Kumbaro pas mbledhjes së sotme të qeverisë.
