Dea Ruçi, e ftuar në “ABC e Mëngjesit”, foli për debatin që pati me Niko Komanin gjatë një prej netëve në “Style Star Show”, ku pjesë e jurisë ishte edhe Roza Lati.
Ajo tha se reagoi në atë mënyrë se kjo e fundit qeshi dhe e konsideroi shumë fyese, pasi e krahasuan me modele “Only Fans”.
“Unë jam natyrë shumë impulsive dhe sa herë që e shikoj i them vetes pse qave. Unë reagova ashtu se Roza qeshi dhe unë jam natyrë që çfarë kam e thënë. U mor si kërcënim nga ana e Nikos, por nuk ishte ashtu se unë po të kisha diçka ja thosha. Nuk më pëlqeu mënyra si u trajtua.
Problemi është se unë aty jam për veshjen, por jo të më krahasosh që dal te “OnlyFans”. Ajo e nënqeshura e Rozës i vuri kapakun të gjithë situatës. Për ca qeshi? Është njësoj sikur unë të vij në emisionin tënd dhe të them je bërë si pornostar, është fyese. Unë kam dal aty për tu gjykuar për pamjen, jo me faqe të tjera”, deklaroi Dea.
