Aktorja Angelina Jolie do të padisë FBI-në për hetimet mbi incidentin e ndodhur mes Brad Pitt dhe djalit të tyre në avion vite më parë.
Jolie ka ngritur një padi anonime kundër Byrosë Federale të Hetimeve sipas Politico. Ajo me sa duket i ka kërkuar FBI-së që t’i dërgojë dokumente nga hetimi i tyre rreth ngjarjes së mësipërme, por pretendon se nuk ka marrë përgjigje… kështu që ajo po i padit ata për këtë gjë.
Padinë aktorja e ka bërë si Jane Doe për arsye se “nuk do të ndikojë në privatësinë e fëmijëve”.
“Qëndrimi ynë është që viktimat dhe të mbijetuarit që kanë përjetuar ose raportuar diçka duhet të jenë në gjendje të kenë akses në të dhënat e FBI, siç është e zakonshme në nivel shtetëror, në mënyrë që ata të mund të marrin ndihmë për traumat dhe mbrojtje ligjore për fëmijët dhe veten e tyre. Klienti ynë ka kërkuar të dhëna për vite me rradhë dhe nuk ka marrë kështu që i është dashur të drejtohet në gjykatë për të marrë ato dokumente shumë të nevojshme.”– ka thënë avokatja e çështjes Amanda Kramer.
Në shtator të 2016-s, pati raportime se Pitt “iu hodh në fyt” Maddox pasi ky i fundit u përpoq të mbronte verbalisht të ëmën gjatë një grindjeje në avion. Ngjarja u tha se ndodhi gjatë një fluturimi me avion privat teksa ktheheshin nga Franca. Incidenti asokohe u hetua nga Departamenti i Shërbimit ndaj Fëmijëve dhe Familjes në Los Angeles dhe u pasua nga firmosja e dokumenteve të divorcit nga Angelina Jolie pak ditë më pas.
Në fund, FBI e mbylli çështjen dhe nuk pranoi të ngrejë ndonjë akuzë pasi ata thanë se nuk kishte mjaftueshëm prova për të ecur përpara.
