CR7 që në sfidën e fundjavës shënoi tre gola duke i dhuruar fitoren ekipit të United, nuk do të udhëtojë me skuadrën në Liverpool për derbin e Anglisë ku tifozët në “Anfield Road” i kanë rezervuar një pritje të ngrohtë dhe do t’i tregojnë mbështetjen e tyre me duartrokitjet nga shkallët e stadimit të “The Reds”.
Vendimi për mungesën ë Ronaldos në këtë ndeshje është marrë në bashkëpunim me klubin që në një komunikatë zyrtare shkruan: “Familja është gjëja më e rëndësishme dhe Ronaldo ka mbështetjen e të gjithëve në këtë kohë të vështirë për të”.
Ndërkohë, detaje të reja publikohen në lidhje me ngjarjen që tronditi familjen Ronaldo. Pak orë përpara lindjes, e fejuara Georgina kishte postuar një video në rrjetet sociale ku dukej e relaksuar dhe në shoqërinë e motrës Ivana dhe të fejuarit, çka do të thotë se lindja ku mbijetoi vetëm vajza ka qenë e parakohshme dhe e paparashikuar.
