Ish-deputetja e LSI-së Silva Caka deklaroi në emisionit “Të pathënat” në Fax News se procesi i konsultimit për zgjedhjen e Presidentit është farsë e Edi Ramës. Ajo tha se 3 emrat e depozituar në kuti sot janë përcaktuar më parë duke shtuar se në Krye të Shtetit do të jetë një ‘shërbëtor’ i kryeministrit.
Caka tha po ashtu se SPAK nuk po e heton me objektivizëm çështjen e Inceneratorëve dhe se për këtë LSI do e padisë shumë shpejt.
-A ndiheni të përjashtuar në këtë proces?
Caka: Është proces që formalisht ka interesin e vet por ka ardhur në kushte të papërshtatshme, të paktën në kushtet ekonomike dhe sociale që po jetojmë.
Ka shumë çështje që duheshin diskutuar, shpopullimi, raporti i fundit i DASH i cili faktoi edhe një herë që korrupsioni është galopant dhe ka kapur çdo nivel të qeverisjes. Flasim për nivelin e shëndetësisë,arsimet, çmimet që rriten çdo ditë, që janë çështje shumë më të rëndësishme për tu diskutuar sesa të merremi me lojërat për zgjedhjen e presidentit.
Ishte proces që kërkon të gjithë pranimin e palëve politike, presidenti duhet të jetë figurë që përfaqëson qytetarët por ende nuk e kemi dhe e shoh të parealizueshme për aq kohë sa Rama është në krye të qeverisë.
Betejat kanë qenë të panumërta, e fundit rezultoi në favor të presidentit të vendit.
Sot Rama deklaroi se Ilir Meta është presidenti më i keq në historinë e vendit tonë, ka sulmuar dhe Gjykatën Kushtetuese, si i përgjigjeni?
Caka: Është e qartë, ai i përgjigjet vetëm oreksit të tij për të qeverisur. Nëse do kishte ndodhur që në presidence të kishim një figurë tjetër do ishte keq për qytetarët se dhe gjykata do i bënte ‘fresk’ Ramës. Meta i ka rreshtuar fitoret e tij kundrejt Ramës, ai ka respektuar Kushtetutën prandaj nuk i ka pëlqyer Ramës.
Nesër do jetë takimi me shoqërinë civile dhe kryetarët e gr.parlamentare për zgjedhjen e presidentit, si e shikoni?
Caka: Unë nuk kam parë në kaq vite që një nga deputetët e PS-së të dalë kundër direktivave të Ramës, edhe ato 3 emra që kanë depozituar sot gjoja në kutinë e fshehtë kanë qenë të thëna më përpara. Procesi i konsultimit është farsë sepse presidenti zgjidhet me 71 vota, bën sikur konsultohesh, aty do shkojë një nga shumë shërbëtorët e Ramës, marjonetat e veta.
Nuk është filluar nga koka por nga bishti afera e inceneratorëve, kryeministri jep vulën përfundimtare, janë dhënë bonuse në formë të paligjshme. As Bllako dhe as Koka nuk kanë vepruar vetëm, duhej nisur nga Rama, Veliaj, Agaçi.
Një tjetër gjë që vihet në pikëpyetje për veprimet e SPAK, një vepër penale nuk konsumohet vetëm me veprime por edhe me mosveprime, në momentin që kontrata del e paligjshme, cfarë e pengon SPAK të pengojë kontratën e inceneratorin e Tiranës. Do presim, do i japim kohë SPAK por nuk do jetë larg dita që ta padisim për mosveprim.
Erion Veliaj nuk shpëton, ngado që ta luajë.
Do ketë ndryshime statutore në LSI, duke pasur zgjedhjet lokale para jemi të fokusuar te strukturat e reja.Koalicioni jonë në zgjedhjet e 6 marsit rezultoi sukses më vete, një nga arsyet ishin ‘Primaret’ që u mbështetën gjerësisht. Të behemi bashkë kundër regjimit është parimi dhe e shoh të paarsyeshme mosvazhdimin e bashkëpunimit.
